Қазақстан баскетбол федерациясы 2024/2025 жылғы маусымдағы баскетболдан Қазақстан чемпионатының жаңа демеушісі Anadolu Efes халықаралық компаниясымен серіктес болғанын мақтанышпен хабарлайды. Келісімге қол қоюдың салтанатты рәсімінде Efes Kazakhstan бас директоры Ертан Курт пен Қазақстан баскетбол федерациясының президенті Абай Алпамысов Баскетбол қауымдастығы, спорт комитеті, БАҚ және басқа да құрметті қонақтардың қатысуымен өткен шарада естелік джерсилермен алмасып, алдағы ынтымақтастықтың егжей-тегжейлерін талқылады.

Жаңа демеушімен ынтымақтастық аясында 2024/2025 жылғы маусымда баскетболдан Қазақстан чемпионатында үлкен өзгерістер күтілуде. Бұл серіктестік қазақстандық баскетболды жаңа деңгейге көтеруге, жанкүйерлер мен тұрғындар арасында ойынға деген қызығушылықты арттыруға бағытталған.

Ұйымдастыру деңгейін арттыру. Матчтарды ұйымдастыру мен өткізудің жаңа стандарттарын енгізу, ойыншылар мен жанкүйерлер үшін барынша жайлылық пен қауіпсіздікті қамтамасыз ету. Бұл іс-шараларды үйлестіруді жақсартуды, заманауи жабдықты және жақсартылған логистиканы қамтиды.

Инфрақұрылымды жақсарту. Спорт алаңдары мен жабдықтарды жаңғырту ойындарды жоғары деңгейде өткізуге мүмкіндік береді. Жаңартылған спорт алаңдары халықаралық стандарттарға сай болып, спортшылар мен көрермендерге барынша жағдай жасайды.

Маркетинг және танымал ету. Жастар мен кең аудитория арасында баскетболды насихаттауға арналған белсенді жарнамалық науқан және әр түрлі іс-шаралар өткізу жұмыстары қарастырылады. Біз заманауи маркетинг құралдары мен әлеуметтік медианы пайдалана отырып, баскетболды барлығына қолжетімді және ойынға қызығушылықты арттыруға тырысамыз.

Жастар бағдарламаларын қолдау. Жастарға арналған спорттық бағдарламаларды дамытуға айтарлықтай инвестициялар тарту. Бұл жас талантты ойыншыларды анықтауға және қолдауға, олардың өсіп, кәсіби биіктерге жетуіне мүмкіндік береді.

Халықаралық мамандарды тарту. Тәжірибе алмасу және қазақстандық жаттықтырушылар мен ойыншылардың біліктілігін арттыру үшін шетелден спорт мамандарды шақыру көзделген. Бұл қазақстандық баскетболды жан-жақты дамытуға септігін тигізетін біліктілікті арттыру және командаларды басқару әдістерін енгізуді қамтамасыз етеді.

Anadolu Efes өкілі, Efes Kazakhstan бас директоры Ертан Курт:

«Қазақ баскетболының бір мүшесі болу – біз үшін үлкен мәртебе. Біз Қазақстан баскетболының және оның спортшыларының орасан зор мүмкіндігіне үлкен сенім артамыз. Anadolu Efes жастар бастамаларына ерекше назар аудара отырып, Қазақстандағы спорттың дамуына белсенді қолдау көрсетуге ниетті. Біздің мақсатымыз – жас дарындар үшін жаңа мүмкіндіктер ашуға көмектесу, оларды жетістіктерге ынталандыру және еліміздегі спорттық дәстүрлерді жалғастыру. Барлық жанкүйерлерді баскетболшыларды қолдауға шақырамыз. Жақын арада жаңа спорт рекордтарының куәсі болатынымыз сөзсіз. Біздің ынтымақтастығымыз елеулі оң өзгерістер әкеледі және қазақстандық баскетболды жаңа деңгейге көтеруге көмектеседі деп сенемін»

Anadolu Efes – көптеген жылдар бойы спорт және мәдениет саласындағы бастамаларды белсенді түрде қолдап келе жатқан жетекші әлемдік компания. Оның көптеген жобаларының ішінде өзін әлемдік баскетболда көшбасшылардың бірі ретінде танытқан Анадолу Эфес аттас баскетбол клубының титулдық демеушілігі бар. Компания халықаралық аренада спортты дамытудағы күш-жігерімен, ресурстары мен тәжірибесін баскетболды дамыту мен танымал ету үшін қолайлы жағдайлар жасауға жұмсауымен танымал. Олардың қолдауы тек кәсіби клубтармен ғана шектелмейді, сонымен қатар жастардың спортын дамытуға және спорт арқылы мәдени байланыстарды нығайтуға бағытталған түрлі бағдарламалар мен іс-шараларды қамтиды.

Қазақстан баскетбол федерациясының президенті Абай Алпамысов:

"Біз баскетболдан Қазақстан чемпионаты Anadolu Efes сияқты беделді титулдық демеушіге ие болғанын мақтан тұтамыз. Бұл серіктестік біздің жарыстарымызды ұйымдастыру деңгейін көтеріп қана қоймай, инфрақұрылымға және жастар бағдарламаларын дамытуға айтарлықтай жақсартулар енгізеді. Матчтарды ұйымдастыру мен өткізудің жаңа стандарттарын енгізу ойыншылар үшін де, жанкүйерлер үшін де жайлылық пен қауіпсіздікті қамтамасыз етеді. Біз қазақстандық баскетбол тарихындағы маңызды қадам болатын жаңа маусымның басталуын асыға күтеміз. Біздің Anadolu Efes-пен ынтымақтастығымыз жанкүйерлерді көбірек тартуға және спортымыздың өсуі мен табысы үшін жаңа мүмкіндіктер жасауға мүмкіндік беретініне сенімдімін"

2024/2025 маусымы қазақ баскетболының тарихында үлкен тарау болмақ. Жаңа титулдық демеуші Анадолу Эфеспен Қазақстан баскетбол чемпионаты қызықты өзгерістерге дайын. Бұл спортшылардың кәсіби өсуі мен бәсекелестік деңгейін көтеру мүмкіндігі ғана емес, сонымен қатар әрбір жанкүйер үшін осы қызықты оқиғаның бір бөлігі болу мүмкіндігі.